Dierbare Vader

U is my Herder, my Lewe, my Heer
Sonder U is ek niks
Saam met U tot alles in staat

Voorsien in my behoeftes Heer
Gee my wat ek nodig het en nie wat ek begeer
Leer my van vrede en weer probeer
Van genade, liefde en eer

Open my oë; ek wil U liefde om my sien
Raak my aan Heer, ek wil U liefde voel
Neem my hart, sodat ek U wil kan doen

Laat ander U binne my lewe sien
Deur my hande U liefde voel
Deur my barmhartigheid U wil verstaan

Ek wil aan U voete sit en leer
My Here, my God, dis wat ek begeer
Al wat ek wil doen, is om U naam te eer